عزيزتي ام يوسف ما رح ضيف زيادة عن اللي سبق وقالوه قبلي الاعضاء
بالنسبة للنظافة انو لازم تكون على اعلى مستوياتها
وهالشي مرهق فكريا اكتر منو جسديا
بس اذا بدك تلاقي وقت لنفسك ساعتين الصبح لترتيب وتنظيف البيت كتير كافية
وساعة الضهر وقت تحضير الطعام
وساعة قبل النوم
وخلي وقت الغسيل يومين بالاسبوع والتنظيف العميق متل خزاين المطبخ او الشبابيك والابواب مرة بالشهر
ووقت يكون في طفل صغير بالبيت افضل حل يكون في صندوق للالعاب مجرد ما ينتهي من اللعب بيرتبهن مكانهن بالصندوق
واستغلي فترة لعب الطفل واسترخي بنفس المكان اللي عم يلعب فيه واقرإي كتاب او شاهدي برنامج بتحبيه او مارسي هواية وهيك بتكوني عم تلاقي وقت الك وبنفس الوقت عم تراقبي الطفل
والحياة دايما فيها اوقات بنحس حالنا مضغوطين وما عنا لحظة راحة
بس الاهم نحاول نعمل لاغلب الايام نظام نمشي عليه ولو خربطنا بكم يوم ما مشكلة
المهم ما نتقيد ونعمل لحالنا سترس
مثلا اعملي جدول لنفسك
انو من الساعة 7 لل8فترة استرخاء
من ال8لل10تنظيف البيت
من ال12للوحدة طبخ
وبالليل من ال7لل8ترتيب البيت
ومن ال8لل10سهر واسترخاء
ومن ال10لل5الفجر نوم
اذا لا حظتي بعد في ساعات كافية ما انذكرت بالجدول
فيكي تخصصيها الك او لزيارات او لاطفالك
وبنفس الوقت اخدتي 7ساعات نوم وهيدا كافي للجسم
انا اللي بيرهقني متابعة الاولاد بالمدرسة كنشاطات واحتفالات واجتماعات
فبلاقي اكتر وقتي بريت البيت
وهالشي بيسعدني ولو على حساب البيت
وببعض الاحيان بتذمر وبحس اني مضغوطة عالآخر حسب النفسية
وبنتك الكبيرة بعمر فيها تساعدك بترتيب غرفتها او بترتيب ثيابها وانو تلبس لوحدها وتاكل لوحدها وتساعد بترتيب السفرة او ضبها
يعني فيكي تشاركيها وتشاركك على حسب عمرها
والولد من عمر 3المفروض يتعلم يضب اغراضه والعابه
ربي يخليلك عيلتك وتبقي فوق راسهن بالصحة والعافية
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه