أنا آسفه حبيبتي بس ماقدرت ماأرد عليك
أنا طولي 163 و وزني 85 < حاسه شكل جسمي تغير بس ماوزنت لكن أتوقع باقي ثابت
يعني هاه قريبه من زوجك
شوفي حبيبتي أنا بقولك ع الأشياء اللي كنت أعتقد إني أسويها صح وهي كانت سبب في إني ماأنزل
أولاً - المشي لازم يكون متفاوت السرعة يعني عشر دقايق مشي سريع وخمس دقايق مشي عادي ودقيقتين على أقل من مهله وهكذا < أنا قبل كنت أمشي بسرعه وحده
ثانياً - لازم عشان ينحف ياكل < كنت أجوع نفسي ، لايجوع نفسه ياكل 6 وجبات باليوم 2 منهم تكون وجبات كبيرة
ثالثاً - يبتعد عن أكل المطاعم وإذا طلب منها يطلب مشوي أو أكلات بحرية أو سلطات
رابعاً - يركز ع السوائل عصائر - أعشاب - لبن - حليب - يكثر مويه لأن أوقات الشخص يعتقد إنه جوعان وبالحقيقة هو عطشان
خامساً - لازم ياكل فاكهه يومياً والتركيز الأكبر في الأكل ع الخضار تجنبي الحلويات والشيبسات والمعجنات والمقالي وخلي أكلكم يامسلوق يامشوي

أنا ماأنصح بالريجيم ولابالنادي بالنسبة لي أشياء روتينيه ممله كل اللي عليه يغير سلوكه بالأكل ويمشي يومياً بأي وقت هو يحب لكن مو قبل موعد النوم بساعتين
ولايستعجل ولاتستعجلين بنزول الوزن لأن اللي يروح بسرعه يرجع بسرعه غير مشكلة الترهلات اللي بيعاني منها بعدين لو نزل بسرعة
أنا حالياً لي يمكن 5 شهور غيرت طريقتي بالأكل وصح وزني ثابت لكن لاحظت على نفسي التغيير وسألت أحد الأشخاص اللي له خبره وقالي إن جسمك يعيد تشكيل نفسه

لازم كلكم بالبيت تاكلون نفس أكله حتى عيالك بيتعلمون الأكل الصحي من الصغر
مافي أصعب من إن الشخص يتحكم بإختياراته للأكل
بالذات إحنا مجتمعات نحب ناكل وبكل وقت وبكل مناسبة
ماعندنا ثقافة الأكل الصحي
غير إن البعض الأكل بالنسبه له هروب من الواقع > مثل ماصار معي
إن شاء الله زوجك ينحف من غير شرّ بس زي ماقلت لك لاتستعجلين عطيه بالكثير سنة
لأن الصح والطبيعي والمفروض ينزل من 2-3 كيلو بالشهر

__________________

وبدأت تحدي إنقاص الوزن الهدف إن شاء الله 55 كيلو