كلامك متناقض
تطلب اعطاء المراءه حقوقها وبنفس الوقت تضرب مثل بالرجال وتتهكم على رجال هذا الجيل وهذا تناقض واضح
لانك لو تعرف كيف اول كانت معاملة الحريم وايش المسؤليات اللي كانت عليها كان ماقلت هالكلام

تدري ان المراءه اول غير مسموح لها بابسط حقوقها
تدري ان حتى اسمها ماينادونها باسمها يكتفى بكلمة ياهيش !!
تدري انها من المحرمات انها تاكل مع الرجل حتى لو كان ولدها
تدري انها ماتنام عند زوجها عشان باعتقادهم ان نفسها يعدي ويخلي الرجال يستنعم
تدري ان عليها جلب الماء والتحطيب والطبخ وتسرح بالغنم وكل شي تسويه والرجال كان يدور من بيت لبيت يدور القهوه يتقهوى عند فلان ويتعلل عند فلان
ومع هذا كله ماتسمع منه كلمه حلوه ولا لها كلمه واذا دخل الرجال مايسمع حتى نفسها

اما الحين الزوجه ماتسمع الا ياروحي وياحياتي
ومن سوق لسوق
والرجال بالدوام وهي نايمه الى قريب الظهر
والخدامه هي اللي تكنس وتنظف وتغير للعيال وتروشهم وتطبخ
حتى الرضاعه عشان مايخرب جسمها ترضعهم صناعي

وجايين الحين تتكلمون عن حقوق المراءه وانها مظلومه