فعلا ذكرت المجتمع اللبناني من زيارتي له وتعرفي على بعض الصديقات هناك

ويعتمد اخ نيت مان وين صار التعرف بين الرجل والمراه
وكيفيه التعرف

وبصراحه كثير يتزوجون الي يتعرفون عليهم اذا كانت نيه الرجل سليمه وكذلك البنت
الرجل اللعاب ماراحريتزوجها وحتى لو تزوج تقليدي ماراح يستمر ولا زواج ناجح
والبنت التافهه تزوجت تقليدي ولا حب ابدا ماراح تستمر

وياليت الموضوع ماياخذ مجرى زواج تعرف تقليدي حب لان مو هذي القضيه
ولما قلت محافظ كان قصدي تقدير للحياه الزوجيه

لما اسافز واشوف عجوز وشايب اجانب يساعدها ويمشي معاها ويسولف معاها ويقدرها بعد هالعمر
هذا محافظ ولا مو محافظ
عندنا يكبرو ويفترقول اكثر بدل ماتزيد اواصر المحبه بينهم
هذا التحرر بعينه وعلمه وين المجتمع المحافظ
وين الدين الي امرنا بحسن العشره
وين العادات والتقاليد الي يفترض تبني مجتمع متلاحم واسره مترابطه

في مجتمع النساء عندنا تلقاهم يوصونها خليه يسفرك يطلعك عوديه لا تعطين اهله وجه
انتبهي يجمع فلوس يتزوج عليك انتبهي يسيطر عليك ويتحكم فيك
وفي استراحات الرجال انتبه لا تصير خروف لها انتبه لا تحاول فرض سيطرتها عليك لاتعطيها وجه
فتتزوج الاولى من الثاني ومالنتيجه
كانهم داخلين حرب محد يرحم ولا يحن على الثاني وين الموده والرحمه والحنيه
محد قلبه على الثاني ولا في اي متعه
لما اسمع التكنيكات الي يحطونها احيانا كحلول .... انصدم
حتى في الشغل مااستخدمها ...كيف اشخاص تحت سقف واحد يلفوا لفات طويله وخطط زي اي ساحه معركه
الوضع عندنا مخربط وكل واحد صراحه " يبي يمص دم الثاني" وفي عش الدبابير هذا من بيعيش بسعاده