حبيبتي نايت.. حاسة بكل كلمة قلتيها وانا معك بكلامك كله
اولا لايغرك كلام المنتديات ياما نقرا ونقرا صدقيني الواقع غير تماما.. والدليل لما نقرا مواضيع عن الزواج عن طريق الانترنت والخداع والكذب
ولاتقولين صرت اكره عيال ديرتي لأنهم مايفكرون بالمتدينة ... بكل مكان هذا ماهو بس بديرتك
انا اشوف نماذج من البنات المتبرجات واللي لهم سوابق أتأمل فيهم وأرحمهم واخرتها تزوجو وعيلو وصار هم اللي يرحموني!!
بنت جيرانا كنت اروح معاها الجامعة وارجع ..تصدقين كنت استحي احد يشوفني معها من طريقة لبسها للعباية!!
وحركاتها ووقفتها ونظرتها وأخااااااااف اذا بغيت انزل ادخل بيتنا التفت يمين يسار خايفة احد يشوفني راكبة معها!مرة متبرررررررجة .
ودايم اقول مسكينة هالبنت لادين لاخلق الله يهديها شكلها ماراح تتزوج من يبغاها هذي!!
الحين عندها ولد تصوري!! ماشالله الله يهنيها
ساعات اقول ان الله سبحانه وتعالى يجعل فرصة للعاصين انهم يهتدون.
والمؤمنين يبتليهم لإختبارهم بصبرهم.. الله يصبرنا ويفرجها علينا.
بالنسبة للخاطبة بعطيك فكرة بسيطة مادري يمكن اللي عندنا عندكم: الخاطبة ماهو شرط تجيها البنت وتعطيها مواصفاتها ورقمها
الخاطبات يروحون مناسبات وجامعات وياخذون ارقام بنات بدون مايعرفون البنات فهمتي علي؟
اخوي الآن خاطب عن طريق خاطبة وماتضايق ولاشي بالعكس يقول اكيد من كثر مواصفاتها حلوة اخذت رقمها الخاطبة تصوري!
انا ودي اتجرأ وأسويها بس بصراحة داخلي خووووف ليه ماأدري
15-05-2006, 10:52 PM
ضوابط المشاركة
العرض الشجري