بدخل على طوووول

انا مرة محتاجتكم..

أخوي تملك من كم اسبوع..

وقبل الشبكة بيومين قالت لي امي عندها اخت أكبر منها ماتزوجت

صراحة حسيت بالذنب مرررررررة وضاق صدري.. والله لو اني عارفة ماخليت الأمر يتم

تصورو بعد ماشفناها تركناهم حول شهرين لأن امي مارتاحت لبيتهم..

لكني حسيت انها قريبة لمواصفات اخوي وأقنعته فيها وقلت بعد الشوفة قرر..

وربي ماكنت ادري ان عندها اخت أكبرمنها ماكنت ادري

رحنا الشبكة أهلها وأخواتها وخالاتها وعماتها وبناتهم وصديقات العروس كلهم حاضرين

البيت زحمة من الحريم

وأختها الأكبر منها اللي ماتزوجت ماحضرررررت تصورو؟؟

أول ماجلست قلت لأمها ماشفنا اختها فلانة؟

قال عندها مشوار مرة مهم وتعتذر منكم وتقول اذا لحقت ارجع


بالله هذا عذر؟؟ شبكة اختك وعزيمة طويلة عريضة وناس وعشا وحالة وعندها مشوار وهي غير موظفة بعد!!

والله اني جالسة كني جالسة على جمر ضاق صدري أفكر فيها

أنا اللي اقنعت اخوي فيها.. ياخوفتي انها تدعي على اللي ساعد بأمر زوج اختها

بنت اختها الصغير جلست اسولف معها اقولها وين بابا وين فلانة

ويوم وصلت لاسمها قالت خالة جالسة فوق مسكرة على نفسها الغرفة


تصدقون كتمت وانا جالسة واخواتي يغمزون لي.. ووحدة منهم تأشر على فمها!!

قلت ياربي شتبغى منديل؟ وأروح أقرب لها مناديل وتحرك اصابعها ومافهمت

راحت أرسلت لي مسج عالجوال شوبارد فضحتينا ابتسمي اضحكي سولفي ولا روحي ضبطي وضعك بالحمام!!!

نادونا نروح عند اخوي وعروسته وهو يلبسها الشبكة..

هي طايرة من الفرحة واخوي نفس الشي والله انا كنت فرحانة بأخوي..

بس يوم دخلت جلست اناظرها.. وجت في بالي اختها مع أني ماعرفها والله

قلت ياربي بعد كم ساعة بنطلع وبيجتمعون اهلها وبتشوف اختها بأحلى شكل!! ولابسة الشبكة ومصورة وبأحلى لحظة بحياتها!!

والله العظيم شلت همها وحاسة فيها.. المفروض تمثل وتنزل عادي..

لكن تصرفها هذا يدل على انها منهارة أكيد صح؟

يارب الطف بحالها وارزقها عاجلا غير اجل

حاسة بالذنب

__________________
اللهم لك الحمد والشكر
"ولئن شكرتم لأزيدنكم"

ياعزيزتي شوبارد ليش بس الله يهديك تحملين نفسك فوق طاقتها ؟؟؟
اهل البنت والبنت نفسها وافقوا وهم عارفين ان الكبيره ماتزوجت وراضين ....
يعني لو كنتي عرفتي قبل بيتغير من الموضوع شي ؟؟؟
البنت الله قاسمها لأخوك وكاتبها له ... ومافي احد يقدر يمنع الزواجه هذي ....
الكبيره وبكل صراحه لو كانت من النوع اللي يشيل بقلبه وتنقهر من احد راح تنقهر من اختها الصغيره .. صراحه يعني ..

آآآآآآآآه الله يعينها .. والله مأساه ... يارب الله لايجيب اليوم اللي اصير فيه بنفس الموقف ....

الله كريم هو عالم بالحال .. بحوله وقوته بيفرجها عليها علينا عاجلاغير اجل

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

__________________

لا يا حبيبتي شوبارد .. لاتتضايقين ولا تحسين بالذنب .. سبحان الله هذا نصيب واللي مكتوب على الجبين لازم تشوفه العين .. ادعيلها إن الله يرزقها بالزوج الصالح إللي يسعدها : )

__________________

شوبارد عيوني

اول شي الف مبروك ملكة اخوك والله يوفقهم ان شاء الله

ثاني شي لا تحسين بالذنب لانك ما سويتي شي

وهي الله يرزقها إن شاء الله وبعدين لو فيه احد عليه اللوم هم اهلها كان قالو لكم ان فيه اخت اكبر منها

وترى الزواج ارزاق والله يكتب اللي فيه الخير

اللهم ارزق جميع بنات المسلمين بالازواج الصالحين واكتب لهم الخير حيث كانوا

__________________

حبيبتي هذا نصيب قبل كل شي وانتي بس مسبب

لاتحملين نفسك شي ماكنتي تعنينه

ادعي لااخوك بس ان الله يوفقه بالبنت

والثانيه رزقها جاينها بإذن الله

وبصراحه موقفها غريب الواجب مهما كان تنزل واتشارك اختها فرحتها.

واعرف وحده حضرت خطوبة اختها اللي اصغر منها ولو اتشوفينها تقولين هي المخطوبه متعدله على سنقة عشره وابتسامتها مافارقتها مادار الاسبوع الا هي مخطوبه .

__________________
عمـــيت عينا لاتجعلك عليـــها رقيبا

مبروك ياشوبادر
وعقبالك يارب

كل شي نصيب ياغالية وانتي اقنعتي اخوكي وانتي ماتعرفي انه لها اخت اكبر منها بصراحة هذا غلطت الي خطب اصلا ليش اختار الصغير قبل الكبيرة ايش كانت وجهة نظره؟؟؟؟؟

صدمة ياشوبادر لو الاصغر منك اتزوج قبلك
ماشاء الله اخوي قرب يتخرج من الجامعة والكل فرحان له ( الله يوفقه) بديت اخاف يتزوج وانا جالسة

اظن انه انا قربت اتجنن صح ؟؟؟؟؟؟؟!!!!!!!
والله سرت اشيل هم لكل شي
وازعل من كل شي

هلا والله بشوبااااارد ,, اول شي الف مبرووووك ملكة اخوك وعقبالك يااااااااااااااااااااااااااااااااارب

وانا ماازيد على كلام الأخوان والأخوات شي انتي مالك علاقه اهلها موافقين خلاص انتي ماللك ذنب

وبعدين هذا نصيب اخوك وربي كاتبه له حتى لو مااقنعتيه انتي كان صار سبب ثاني يخليه يتزوجها ,,

انا فعلا لما قريت كلامك ضاق صدررررررري وتخيلت نفسي مكان هل بنت ( الله يعينها ويرزقها عاجلا يارب )

وماتدرين لعل الله يجعلكم فاتحة خير عليها وتعرس قريب ,,,

الله يوفق الجميع ...

__________________

ادعولي بالزوج الصالح الي يسعدني ,, جزاكم الله خير

سبحان الله وبحمده عدد خلقه ورضا نفسه وزنة عرشة ومداد كلماته

اخيتي شوبارد شكلك حساسه كثير
اخيتي هوني عليك فالامر قضاء وقدر ونصيب
وانتي انا متأكد انك ماانتي قاصده ذلك او ان تجريحها
اخيتي (((((((( لايكلف الله نفسا الاوسعها )))))))))
اسأل الله العظيم رب العرش الكريم
ان يرزقها واياكى وسائر ابناء وبنات المسلمين العفاف
والستر في الدنيا والاخره انه جواد كريم عاجلا غير اجلا يارب العالمين
اخيكم ابا مششششششششششششعل

__________________

والله الموقف صعب ومحرج خاصة مع علمك انها فوق في غرفتها
الله العالم بحالتها
الله لا يحطني بموقف زي كذا

بس خلاص انتي ماكنتي تدري وبالاول وبالاخير هذا قدر ومكتوب
والله يوفق الجميع