1- مجموعة من زميلاتك في العمل يتحدث بصوت منخفض فسألتيهن عن موضوع محادثتهن فأجابتك احدهن والتي هي بنفس عمرك او اصغر بإستحقار: لاتدخلين بمواضيع الحريم شيء مايخصك انتي لسه صغيرة



بأطالع فيها وارد عليها بنفس الاحتقار واقول لها.....سمعتي صوت؟ صوتك وانتي تطيحين من عيني ...... تراك طحتي من عيني.............والحمد لله انك عارفه عمرك وعارفه اني اصغر منك ....علشان كذا ما بغلط عليك.....وكمان السؤال مو موجه لك....موجه للشله كلها...
بلاش رزة وجه عاد.......
واطالع اللي جنبها مباشره واقول لها .....ما علينا....احكي لي انتي.......(الحقران يقطع المصران)


الموقف الثاني :

تسمعين كل الي حولك يشتكي ويتذمرمن مشاكل الدنيا , فتحدثك نفسك انك تشتركين في هالـــ(الفضفضة الجماعية) وما إن بدئت بالكلام حتى قامت احدهن صارخة بكل مااوتيت من قوة في الحبال الصوتية :"وانتي وش عندك هموم غير اكل ونوم "
علما ان قصدها ليس شريف اطلاقاً بل قصدها احراجك وتذكيرك بما حاولتي نسيانه


هذي بقول لها....والله مو ذنبي ان فهمك للحياه واختلاف الناس محدود.......ولو ما كان همي الا اكل ونوم ما كنت واقفه وراسي براسك ومتوظفه معك .....رجاء وفري رأيك لنفسك....



الموقف الثالث :
عرضت المسؤلة في العمل على الموضفات أعمالا اضافية فاحتجوا الموضفات , السبب الظاهري هو عدم العدل في توزيع المهام والسبب الباطني"والله أعلم"
مجرد كسل وعجز, فتنظرين انتي وتقولين في نفسك " بس هذي فرصتي أكسبهم وأثبت لهم إني ماني على الهامش وتأخذين المهام الموكلة لك والتي لغيرك على الامل ان النظرة تتعدل "شوي" فتصعقين ...!! بأن التي أخذتي عنها المهام وريحتيها بدل من أن تشكرك ...تقول لك " والله يحق لك تأخذين انتي فاضية وما وراك مسؤليات ولا أولاد " مع ان الشغل كله في المؤسسة وما نخذ معانا شيء للبيت إطلاقاً



هذي سبق وصارت لي اكثر من مره مع قريباتي واطالع الوحده واقولها.....لو قلتي الله يعطيك العافيه كانت اجمل من هالتعليق العقيم......طبعا كل اللي قالوها لي ورديت عليهم باللآنف ذكره(قويه آنف)....انحرجوا واستعدلوا بعدها....




الموقف الرابع

تتحدث احداهن عن معاكسة الشباب في الاسواق وكل بعد دقيقتين تقووول "هم ما يدورن غير البنات وتلقينه سايب حرمتة المسكينة" وش راح يكون ردك وانتي عارفة انها تبي تحرجك


اقول لها والله لو اللي عنده بطلت تطالع بالبنات واتعدلت مثل ربع ما يتعدلون وبطلت كسل لتعرف كيف تلم زوجها......بس دايما الفاشل يدور على شماعه يعلق اسباب فشله عليها......الله على الظالم....




هذا طبعا غير تخوفهن من أنك قد تخطفين أحد أزواجهن , ويطالبنكي بلبس القفازات والجوارب حتى لاتفتني أزواجهن


ان طلبت هالطلب بكل ادب فحبا وكرامه.... واذا بكل وقاحه ومن باب استنقاص واحراج بقول لها ......حدك عاد......عمر اليد والرجل ما زوجت رجل على زوجته.....ما ينفتن بس بالجلد والعظم......ينفتن صدق اذا هالبنت قامت تتميلح وتتمايل وتقل احترامها ......وماني لابسه .....وخليها تضرب راسها في اي جدار.....

__________________
[/IMG]