اختي بحرينيه
من قال لك ان العنوسه مشكله ولها حل ؟؟؟ اللي ماكتب لها الله الزواج يعوضها باللي احسن منه وهو الخير اللي كاتبه الله عزوجل لها ... لكن مومعقول نجلس نتفرج ونزيد المشكله تعقيد ومشاكل ... التعدد مليون بالميه راح يقلل مشكله العنوسه او على الأقل ماراح يزيدها ..وكثير شفنا حالات تزوجوا نساء في الأربعين من العمر وشخصيا اعرف منهم تزوجوا نساء فوق الأربعين . تخيلي تقريبا مليونين عانس في السعوديه تقريبا .. اذا نصف الرجل فقط اصبحوا معددين ماارح تقل النسبه كثير ؟؟. الزواج ماله سن محدد وممكن تتزوج الوحده حتى لو كانت عانس مافيه شي يقف امام الله عزوجل اذا اراد له ان يكون ....((بس حبيت أوضح لك إن نظرات الاتهام من بعض الزوجات لكنّ.. سببها لولو ومن يفكرن مثلها..<<<< الله يسامحك اختي بحرينيه والله اني مااتهمتك بشي الله يهديك وبعمري ماكان تفكيري مثل اللي في بالك ولا نفس تفكير صاحبه القصه ....لكنك ماادركتي انا ايش ابغى اقول وايش هدفي من طرح الموضوع مع اني قلته صراحه ..والله ان نيتي الخير.. والحمد لله هو وحده عزوجل اعلم بها وهذا يكفيني و اتمنى يعطني بمقدار نيتي هذي فقط ..واقرأي ردودي الثانيه في الموضوع هذا لاهنتي
اختي Crestalla
وجه نظرك احترمها واقدرها .. لكن اللي تشوفينه غير منطقي بالعكس انا وكثير مثلي نشوفه منطقي جدا .. اولا حديث الرسول صلى الله عليه وسلم وقوله ( اذا جاءكم من ترضون دينه وخلقه فزوجوه )) ماقال البنت الصغيره لاتتزوج رجل كبير في السن او معدد .. هو نفسه عليه الصلاه والسلام تزوج عائشه وهي بنت تسع سنين ...
ثانيا .. قولي ان البنت تتزوج الصغيره تتزوج قبل ماتكبر وتصير عانس هذا اللي انا متمسكه فيه فعلا ومقتنعه ... خذي لك لفه في المنتدى والى اقرأي مجله او جريده تلقين كلهم يقولون فيها السبب الأول والخير البنت والبنت ... وليش ماتزوجتي وانتي صغيره وليه ماقبلتي وليه ماتنازلتي وليه وليه وليه .. انا نفسي لما كان عمري عشرين سنه ماكان عندي مانع اتزوج رجل متزوج او اكبر مني بعشرين سنه .. لكن لأن فكر المجتمع سلبي من ناحيه الزواج هذا اكيد راح يأثر على اهلي ويرفضون الزواج هذا ويرفضون المعدد ومازالوا يرفضونه ...هذا هو قانون الغاب بعينه والضحيه الوحيده هي البنت مع الأسف ...وحتى اذا عنست هي راح تكون المتهمه مع انه مابيدها شي ...
ثالثا بالنسبه للمثال اللي ذكرتيه (مريض السرطان والطيار والسياره ) هذا حجه عليك مو لك ... اولا مريض السرطان مانجلس نتفرج عليه ولا نعالجه لأنه بيموت .. بالعكس .. الأطباء دائما ينصحون كل الأشخاص اذا تعدوا سن الأربعين انهم يعملون فحص دوري حتى لو كانوا اصحاء مايشتكون من اي شي .. علشان يكتشف المرض في بدايته ويكون علاجه سهل بأذن الله . وينصحون بالتغذيه السليمه اللي تقلل وتمنع بأذن الله من ظهورالأأمراض . ودرهم وقايه خير من قنطار علاج ... وبالنسبه للطيار والسياره هذا مو منطق ابدا عزيزتي .. اذا على كذا كل واحد راح يسكر على نفسه باب بيته ويقول ماراح اسوي شي اخاف اموت .. كل نفس ذائقه الموت .. واحد الصحابه يقول اعمل لدنياك كأنك تعيش ابدا واعمل لأخرتك كأنك تموت غدا ...قيسي عليه قضيتنا ان البنت الصغيره احسن لها تتزوج وهي صغيره من معدد ويكون لها بيت واطفال احسن من انها ماتشوف الزوج والأطفال هذولا ابدا ...
ورابعا واخيرا ( الرجال ماتنعطى وجه ) انا معك .. لكن هذولا هم رجالنا ايش تبغين نسوي يعني .؟؟؟ مانقدر نفصل رجال على كيفنا .. ولا نقدر نجيبهم من زحل والا المريخ ... اذا فيه رجل غير عن كل الرجال قولي وينه واراوح اخطبه ..
وليه نلومه اذا بغى البنت الصغيره هذا حقه ..وهذي طبيعه الرجل الشرقي يبغى البنت الصغيره ... عموما ارجع اقول العنوسه مالها حل .. المهم انها ماتتزايد وتتضاعف اكثر واكثر ....
اختي ريفان ...
هلا بيك ومشكوره على المداخله .. لكن انتوا ايش فيكم الا تبغون تجيبون لي اسعاف.. الله يهيدكم لا تتفاءلون علي .. خوفتوني بديت احس ان احد الأأخوات بتفجر الشاشه بوجهي وجالسه افكر شلون بتفجرها ؟؟راس ماله نقاش وكلام وكلنا اخوان وخوات ومافي اي شي يستاهل اننا نحمل ضغينه او غضب على اي واحد منا ....والا علشاني قلت انا راضيه اتزوج متزوج ؟؟ لاتخافون يابنات ماراح اخذ رجالكم تطمنوا
.. امي الله يخليها لي تقول لو تموتين ماازوجك متزوج ..لو تقعدين بلا رجل عمرك كله اقعدي احسن والا موتي احسن واحسن بعد
اختي ريفان .. اولا ماراح ازعل عادي قولي اللي تبغيه ... ثانيا ياريفان انتي والله ماتدرين عن ظروف كل البنات ... انتي ماشاء الله لاقوه الا بالله تسهلت امورك وتيسرت وتزوجتي بسرعه وصغيره ...شوفي كلام الأخت كريستالا وناقشيها بقولها مو معقول تتزوج بنت العشرين من معدد علشان ماتعنس وتندم .سبحان الله صدق ن قال رضا الناس غايه لاتدرك.. والله ياريفان انتي ماتعرفين ظروف كل البنات وهل تقدم لهم رجال او لا ؟؟..وهل اذا تقدم هي رفضت والا لا ؟؟؟وهل هي تشرطت دراسه والا شغل او لا ؟؟؟ المشكله ان الناس كلهم فكرهم ان البنت هي السبب .. لكن والله لو اقول لك ياريفان عدد اللي خطبوني من كان عمري 19 الى اليوم والله ماتصدقيني .. الى الفقير واللي ماعنده اي شي يذكر تقدم لي وهو اللي رفضني مو انا .. وعلشان مايروح بالك بعيد انا سمعتي وسمعه اهلي واخلاقي وحتى شكلي مثل المسك الحمد لله ..وبشهاده اللي تقدموا لي وتراجعوا لكن حجتهم انهم ماارتاحوا ولا كتب الله شي ...
ياعزيزتي ريفان حتى انا ماابغى تزعلين مني ولا تفهمني غلط لكني ابغى اقولك نصيحه لوجه الله ...بيجي يوم ويكون لك بنت وتكون في سن زواج ...واذا تزوجت صغيره مو انتي اللي زوجتيها ولا انتي اللي سهل امورها بسبب عدم وجود شروط تعجيزيه منكم او منها ...ولا بسبب دراسه او وظيفه او صغر السن ...كله تقدير وحكمه من الله مايعلمها الا هو ...واذا الله ماقدرالزواج للبنت على الرغم انها تبيه وهي صغيره ولا تبي لا دراسه ولا شغل ولا لها شروط الا الخلق والدين ( واحيانا تتنازل حتى عن هالشرطين ) تلقى الأتهمات موجهه لها دائما وابدا انا ماااقول بالحاله هذي الا قول افضل البشر عليه الصلاه والسلام ( لاتظهر الشماته بأخيك فيعافيه الله ويبتليك )
وبالنسبه لطلب صاحبه القصه انك تزوجين زوجك لها اقري ردي للأخت شجون ابو ظبي ...وبعد كلامي هذا كله حطي نفسك انتي مكاني وردي علي ..واذا على سؤالك لي راح اقول لزوجي رح تزوج طبعا لا ماراح اقول له وانا ماقلته اصلا ولا اقتنعت فيه هذا كلام صاحبه القصه.( وشكل قولها مجرد غيض من فيض حتى هي ماراح تسويه لو تزوجت )واسفه ان كنت زعلتك او ازعجتك بأي شي
والله يخلي لك زوجك ولا يتزوج عليك ابدا ويديم المحبه بينكم العمر كله ....
اختي برعم الورد
مشكوره على مداخلتك والله يخلي لك زوجك ويديم المحبه بينكم طول العمر ....وللعلم ان ( ليس ) كل زوجه ثانيه حريصه كل الحرص ان تكون الاولى هي اخر شئ يفكر به الزوج ... هذا مو مقياس اختي .. الأيمان والخوف من الله هو المقياس والأاساس .. اذا الثانيه او الأولى خافت من الله وسعت انها ماتظلم شريكتها معها هي الرابحه اولا واخيرا حتى اذا كان في الظاهر هي الخسرانه ...
15-09-2006, 11:19 AM
ضوابط المشاركة
العرض العادي
