عزيزتي شوبارد

والله ماادري وش اقولك

ولا اعرف كيف اخفف عنك


عزيزتي كل وحده لها مشكلتها تخيلي انا عمري 25 ولااحد تقدم لي يعني وش تفسريني هذا الشئ

هل هو عيب فيني او مشكله

احيانا افكر اقول ماينقصني شئ الحمدلله مقبولة الشكل جامعيه حبوبه وطيبه لكن سبحان الله مااحد جاني

يالغاليه مابيدنا غير الدعاء والصبر



اللهم فرج همنا

__________________


اللهم إنى أسألك بأني أشهد أنك أنت الذي لا اله إلا أنت الأحد الصمد الذي لم يلد ولم يولد ولم يكن له كفواً أحد اقض حاجتي آنس وحدتي فرج كربتي اجعل لي رفيقاً صالحاً كي نسبحك كثيراً ونذكرك كثيراً فأنت بي بصيراً.
يا مجيب المضطر إذا دعاك احلل عقدتي آمن روعتي يا إلهي من لي ألجأ إليه إن لم ألجا الي الركن الشديد الذي إذا دعي أجاب هب لي من لدنك زوجاً صالحاً وتجعل بيننا المودة والرحمة والسكن.

انا مع اختي البتول فعلا فيه بنات معي في العمل وصلوا الأربعين وما تزوجوا

احياناً اقول اذا وصلت مرحلة اليأس .. ياترى لو وصلت سن الأربعين وما تزوجت وش راح يكون موقفي

هل سأظل صابرة محتسبة ..

ثم أجدني أطمئن نفسي بقول

اللي صبرني هالسنوات يصبرني فيما بقي من عمري ..

بصراحة أرجوا من ربي الهداية والثبات حتى الممات ...

شوبارد :

الله يثبتنا على دينه .. وأن لايفتننا ..

أسأل الله أن يعجل بالفرج لنا ولك ولكل أخت مسكينة

.
.
.
.
.
.
اختك /

بنان

__________________

لو مافيه احد يتقدم لي اقول هذا نصيبي الشكوى لله

لو خطابي قلال اكون على امل انه يجي الأفضل والأفضل

لكن انا غيييييييييير ماخليت بنت ماحاولت اشوف كيف وضعها حتى بالنت اشوف البنات غيري

انا كل شوي واحد يتقدم لي وينسحب

كل فترة احس بالفرح في قلبي.. اشوف الأمل بعيون اهلي.. وفجأة ننصدم

افهمووووووووني تكفووون

تخيلو كل شهر او شهرين ناس يدخلون بيتوكم وبدا الأمر يمشي وفجأة يعتذرون مع انهم في البداية كانت الأمور تمام


تخيلو كل فترة يصير موضوع خطبة مدتها اذا كانت قليلة شهر اكون بهالشهر متأملة.. تخيلو الاتصالات واللأسئلة

والتفكير والمشاورة والبيت حالة استنفار

واخوي فلان راح المكان الفلاني يسأل عنه واخوي الثاني راح للمكان الفلاني وحماس اهلي

ويدخلون بيتنا واهلي يتناقشون فيه

والحريم يدخلون بيتنا ويتفرجون علي كأني مسرحييييييية اااه يالقهر بس

واخرتهااااااااا ولااااااااااااشي

تخيلو منظري قدام اهلي.. تخيلو كيف نفسيتي المتحطمة

فيه فرق بين وحدة تتامل ان احد يتقدم لها ووحدة كل شوي يجيها واحد وتتحطم فررررق شااااااااااسع

__________________
اللهم لك الحمد والشكر
"ولئن شكرتم لأزيدنكم"

حبيبتي شوبارد طيب شوفيني قدامك انا برضه مثل ريناد مافي احد اتقدملي رغم اني حلوة وجامعية ومتدينة وحبوبة وطيبة وكل شئ فيني حلووو لكن ربي مو رايد انا لو بيدي اتزوج الليلة قبل بكرة ..

والله انا عارفة ايش تبغي تقووولي وبايش حاااسة والله قهر لكن قوليلي ايش نسوي ؟؟؟

ماعندنا غير الدعاء والصبر وياقلبي استغفري ربنا كثير ... وخليكي معاه والفرج قريب ان شاء الله

يارب ياقادر ياكريم عقبال مانشووفك عرووسة وتقولي انا اتخطبت باركووولي :14:

صدقيني اختي شوبارد اني اعيش نفس مشكلتك و مع ذلك مافيه حل الا الصبر ، صحيح أمر في حالاااات يأس كثيرة بس ارجع واقول ماندري وين الخير ،
في كل مرة يخطب احد من عندنا افرح و يفرحون اهلي و كثير من الي يتقدمون يكونون على خلق و دين و مايروحون بسبب شروط او اي شي باختصار يتراجعون بدون سبب واضح ، لكن شوفي تجربتي الحمدلله صرت اقرا سورة البقرة كل يوم والله صدقيني احس برااااحه نفسية كبيرة ، و الحين متقدم لي عريس صحيح متفائلة خير بس في نفس الوقت احس بخووووف من نهاية الموضوع و احاول اتهيأ ان الموضوع ممكن مايتم ، صدقيني احس بمشاعرك و يمكن كثير بنات لأنها ماجربتها ماتحس بها ، انا مثلك اقول ياليت ماحد يتقدم لي اظل اعيش على امل ان فيه احد بيتقدم لي و ممكن افرح في يوم مو كل شوي فرحه بعدها صدمه
الله يفرج همك وهمي وهم جميع البنات في هذا القسم

شدعوووووووووووه شوبارد

والله ماتوقعت اقرا لك موضوع بالمضمون هذا .... تعوذي من الشيطان يا بنت الحلال ...

نسيتي موضوع الأخ الكبير هذا هكذا تدمرين حظك بيدك فانتبهي

حتى لو ماكان احد مثلك ولا مثلي ولا مثل اي شخص مو ضروري ... خلي مايكون احد مثلك عادي ياما في الدنيا غرائب وعجائب .. انتي اروع عجيبه في الدنيا ومخليك الشي هذا مميزه

هونيها وتهون ولازم نمر بلحظات تعب واحباط كثيره .. لكن اللي يزيد وضعنا خطوره اذا دخل فيه لمحه يأس ...

تعوووذي من الشيطان والرجل متى ماجاء الله يحييه ... واذا صرنا 26 او 27 او 28 او 30 او 40 او اكثر كل اللي يجي من الله خير وبركه .. اللي .مالقيناه في الدنيا اهم شي شي مانخسره في الاخره

الله كريم ياشوبارد .. شده وتزوووووووووول . ومابعد الضيق الا الفرج .... استغفري كثير كثير كثير الحين بالوقت هذا والله ترتاحين

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

أختي في الله شوبارد
اسمحيلي يمكن الي يتقدمون لكي مافيهم خير سبحان الله وربي ردهم عن الزواج بك لانه سبحانه عالم بكل شيء

اختي اكثري من الاستغفار فهي من أسباب الرزق

وفقكِ الله

اختى شوبارد

لايلومك على ما انتى فيه إلا انسان تجرد من المشاعر ولكن

لاتحسدى نفسك الأجر بالصبر ثم عليك أختى ان تحاولى

الذهاب لمن يساعدك بالقراءة ربما هناك سبب ما ولاتقولى

ذهبت استمرى واستمرى فأنا اعرف من استمرت ست سنوات

بالقراءة حتى تبين لها مابها من سبب وصارت تفعل اسباب العلاج

وبإذن الله سيزول مابها وينتهى 0

الله يوفقك لكل خير

والله يا شوبارد ...

ضاق صدري لما قريت موضوعك ، لكن أنا اتفق مع رأي الأخت الكريمة البتول فلا تستسلمي لهذه الأفكار السلبية واعلمي أن لا يأس مع الحياة ولا حياة مع اليأس ، يمكن ألا نجد صعوبة عندما نكون منظرين ولاكن التطبيق ليس بالأمر السهل، حاولي أن تغيري خارطة تفكيرك في هذا الجانب من خلال ردور الأعضاء والعضوات ، وأخيراً أعود وأقول : النصيب يصيب والدنيا تجيب اللي تجيبه .

ودمتم سالمين،،،

الزعيم55

__________________

(( سترى حروفي تسير في عقلك !! ))

__________________
ربِ لاتذرني فردا وأنت خير الوارثين

استغفر الله الذي لاإله إلا هو الحي القيوم وأتوب إليه