توتو لا فظ فوك انا معك ميه بالميه وهذا شي نسبي يختلف من عايله لعايله

ريم 2006 فيه بنات مستعدات يتزوجون صغار بس ماينكتب لهم نصيب مثل ماحصل لك ووفقك ربي ماشاءالله

اخي قزم والبقيه اللي وافقتك مع احترامي الشديد اقول انك كتبت موضوع استفز الكثير ومن بينهم انا الي مستعده في عمر 22 الزواج لكن ماجا النصيب كلها تتفركش بشكل غامض جدا لكن اقول الجاي احسن خل اركز على البقيه من دراستي .. على العموم الردود اللي جتك كلها موضوعيه واحترمتك بردها ياليت تبدي اكثر احتراما لجميع فئات الفتيات حتى اللي تكلمت عنهم لان هم حرين تصرفهم ومسؤولين عنه .. ماودي اقول انك ضيعت وقت في كتابة هالموضوع واللي هو رايي مع احترامي الشديد لكن ارجوا مااكون انا ضيعت وقت..


شكرا

مو كل بنت يتسهل امر زواجها اختي ريم .... بنات ماشاء الله من اول خاطب يتزوجون .. وبنات عشرين خاطب ولايصير نصيب ... مو رفض منها ولا غرور ولا دراسه ولا وظيفه لا اي شي .. لكنها ارداه الله وتقديره للأمور سبحانه الله ...

يعني انتي تتوقعين بنت عمرها 17 او 18 ماتفكر بالزواج .... كلنا بنات ومرينا بنفس العمر .. كلامنا كله وتفكيرنا يدور عن الزواج .... كل بنت تتمناه اليوم قبل بكرا ...

مااصدق ان فيه بنت تتمنى الشهاده والدراسه اكثر من الزواج .....

كلامك جارح وقاسي لكنه مع الأسف غير صحيح ...... او يمكن ماعايشتي ولامرت عليك تجارب بنات ماينخطبون او خطبتهم تفسخ ولا تكتمل او ميته على الزواج من عمرها 16 سنه واهلها رافضين او خطابها بالمئات ولا يكتبها لها الله النصيب ...

والبنت هي الضحيه دائما وهي اللي صايره بوجه المدفع ....الضحيه بقدره قادر صارت مجرمه بحق نفسها وغيرها ...

لاحول ولاقوه الا بالله ... صبر جميل والله المستعان ....

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

انا معك




وللأسف





غالبية البنـــــــات كذا




وانا كنت وحده منهم



لين 22 ,,,,,,,, بعدين الحمد لله على كل حال


بس معاك حق باللي تقوله


صحباتي فيه اللي عمرها 18 ................ تبي تكمل دراستها عرسان كثير تقدمو لها ........ لاللزواج


اللي عمرها 21 ........................ اي عريس يتقدم يتم فحصه فحصا مبرحا وكانه سوف يتزوج سندرلا زمانه وحيده عصرها ..........ميه ميه



وش نقول عاد


ربي يهديهم ويرزقهم باللي يعجبهم ويوافقووو عليهم


آآآآآآآآآآمين

اخي

اعتقد بأنك مررت بهذه التجربه

او ان هذا حصل لأحد زملائك

فعلاً الشاب اذا تقدم كثر من مره ورفض

حتى لو كان هو مو ناقصه اي شي

فإنه يعد على الزواج ويصير في صراع مع اهله في مسألته الزواج

__________________
دعواتكم لي بالتوفيق

^
^

فمابالك بالبنت الحساسة؟؟ واللي حتى ماتقدر تفضفض لأحد

والرجال رجال عنده فررررررررص

لكن البنت لاااااا جالسة تنتظر

__________________
اللهم لك الحمد والشكر
"ولئن شكرتم لأزيدنكم"

سبحان الله

كأن الرجال ملائكة باجنحة

ولا المفروض ان البنت توافق على اول رجل يطرق بابها

ليه ما اتكلمتش اخى على الرجال الذين يذهبون لرؤية فتيات كثر

ويرفضونهم لاتفه الاسباب

"رفقا بالقوارير"

__________________
[اللهم ياودود ياذا العرش المجيد يافعال لما يريد - أسالك بعزك الذي لا يرام وملكك الذي لا يضام ونورك ونور وجهك الذي ملأ أركان عرشك أن تغيثني وتصرف عني كل سوء -- ياحي ياقيوم

لا تقولون البنت مسكينه


أنا اعرف وحده ربي وهبها جمال رائع وخلق حسن ومؤدبه ومحترمه


ورفضت كل اللي تقدمو لها يوم كان عمرها 17 و18 بحجه اكمال الدراسه


وأثناء دراسه الجامعه رفضت الخطاب بجميعهم الصالح والطالح

بحجه الدراسه!!!!


والآن تخرجت ولا حصلت وظيفه ولاحتى زوج واللي بعمرها صاروا عيالهم بعمر 9 وال7 سنوات


وتعض أصابع الندم على تفرطيها بالزوج من اجل الدراسه


لو هي تزوجت ودرست حصلت الاثنين مع بعض



هذي وحده فيه غيرها ومن اشكالها كثير أولهم صديقاتي ايام الثانويه يضحكون علي يقلون ليش تفكرين بالزواج كله مسؤليات


وتعب وهم بالعكس عيشي شبابك اذا خلصتي جامعه فكري في الزواج


وهم مجموعه كبير يمكن حوالي 12 طالبه


وغيرهم وغييره وغيرهم كثيرررررر


المهم الدارسه الزواج لاحقين عليه


والا بنت عمي اعرفها عز المعرفه

تقدم لها شباب أشكال وانواع منهم الدين ومنهم المنفتح ومنهم الجامعي ومنهم اللي وظيفته ممتازة


واخر شي وافقت على واحد يشهد له الجميع بأخلاقه واحترامه


رفضت قالت ايش شكله مو حلو مو وسيم ماهو زي فارس أحلامي اللي في بالي!!!


يعني كل الاسباب في ظاهره العنوسه سببها البنات انفسهم



انا معك اذا البنت مظلومه في حاله وحده فقط (( اذا اهلها رفضوا الخطابين بدون لاتدري او رافض ابوها يزوجها ))


هذي فقط المظلومه

غيره لا ومستحيل تكون مظلومه هي اللي عنست نفسها بنفسها

__________________

غالبا البنت تبدى تتخطب من الناس في عمر 16 سنه


يعني هل من المعقووول 16 17 18 19 20 خلال هذي السنوات من عمرها ماتقدم لها شاب مناسب وخلوق ومؤدب و

مؤهلاته ممتازة!!! مستحيل

النصيب فوق كل شي ما أنكر بس مستحيل بعد كل السنوات هذي مايتقدم رجل مناسب؟؟؟

__________________

اختي انتي لا تعلمين بحال كل الفتيات
لا اعلم كيف تقولينها بكل ثقة مستحيل
عزيزتي انا عندك مثل ما حد تقدم
وفي اختين بعد بالمنتدى ما حد تقدم لهم مع ان ودم بالزوج والجلوس بالبيت للتفرغ للتربيه
كل بنت تحلم بالزواج
واقول لصاحب الموضوع ان الرجال سبب ريئسي بالنعومه لأنهم يتجهون لخطبة ذوات الجمل الصارخ والتي تتطلب شروط مبالغ فيها
اما المتواضعه لا احد يسأل عنها ، لذلك الطرفين سبب بالعنوسه
وبالنهايه هذه ارزاق من الله
والله يرزق جميع المؤمين والمؤمنات

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

العنوسة سببها الرئيسي في رأيي هم أهل البنت. بنت عمرها 17 و لا 18 ما يمكن ان نلومها فهي صغيرة و لم تنضج بعد و تحتاج الى التوجيه من الأهل. لو اقنعوها انها ممكن تتزوج و تكمل دراستها راح تقتنع على طول. لو اقنعوها ان هذا الشاب جيد و يصلح كزوج راح تقتنع ايضاً. في الجانب الآخر هم من يلعب في راسها و يقنعونها بالعكس.

نفس الكلام ينطبق على الشباب فالشاب بكلمة من ابوها من امه و لا اخته ممكن يقتنع على طول , اقولها من تجربة مع اخوي صحيح بالبداية كان حاط شروط تعجيزية من اللي يشوفه في الفضائيات و الفيديوكليبات , جلست معه و قلت له يا اخي الحبيب اهم شي البنت يكون فيها كذا و كذا و الأمور الثانية مو مهمة و فعلاً اقتنع على طول عندما ادرك ان الواقع شي و اللي في خياله شي آخر.

انا اتكلم من واقع و الأمثلة كثيرة و لا تعد و لا تحصى و اذا بنوزع مسئولية العنوسة انا اوزعها كالتالي:
اهل البنت 40%
اهل الولد 20%
المجتمع 20%
البنت 10%
الولد 10%

الولد و البنت ضحايا اكثر من كونهم اسباب.