السلام عليكم ورحمة الله وبركاته


اولا ً يسرني ان اشارك معكم في هذا المنتدى مع العلم ان متابع احياناً لبعض المواضيع

لاحظت في هذا القسم كثرت العنوسه وكثرت الفتيات اللي يبحثون عن نصيبهم ويبحثون عن الستر

وانا أستغرب هذا الشي ..

انا ألآن لي 6 شهور أدور بنت الحلال مالقيت احس ان اغلب اللي بالبيوت رجال
أحس ان البنات فعلاً أنقرظن

نعم وجدت كم فتاه من جماعتنا ولكنها لاتناسبني
البعض يعتقد ان شروطي تعجيزيه بالعكس شروطي عاديه وتقتصر على الدين والخلق وان تكون مقبولة الشكل ورشيقه وربت بيت فقط
اعتقد انها شروط معقوله والا أنتم لكم رأي آخر


خطبت قبل فتره وأخذت الوالد وأخوي الكبير اول ماشافنا ابوها رحب وهلى وطاااااااااااااار فينا
انا قلت بقلبي اخيراً لقيت ناس ماتهتم بالدنيا وقلت بقلبي اخيراً الحظ تبسم لي

المهم خطبنا منه وهو يحسب ان وظيفتي مدرس والا مهندس لانه يذكرني يوم اني صغير شاطر مادرى ان الحظ وقف بعد الثانويه ..

وسألني وش تشتغل قلت له بشركه حسيت انه تغيرت نظرته يوم قلت شركه قالي كم راتبك قلت 3300
حسيت ان نظرته تغيرت مره
المهم قال بنشاور الاهل وان شاء الله يصير خير حسيت ان الترحيب اللي اول ماشافنا طار بالهوى بسبة قل الفلوس


المهم يوم شاف راتبي قليل قال خلني اصرفهم
رد علينا بعد فتره وقال ماعندي مانع بس الاهل عندهم شروط قلنا من حقهم كنا نظن ان شروطهم معقوله
صار يطلب شروط تعجيزيه مهر 60 من غير الشبكه ونبي فندق خمس نجوم ونبي شقه قريبه لبيتنا بدا يذلني عشان اقوله مقدر على هالشروط المهم أجبرني على اني أقول مقدر والله يستر عليكم

من بعدها قررت أني ما أخطب من جماعتنا لان مهرهم غالي وانا ظروفي على قدي المفروض يعنوني مب يعقدوني


بس المشكله ان غير جماعتنا ماعرف .. ابغى القى ناس محترمين يشرون رجال ويدون الستر
بس للاسف مالقيت تسكرت كل الابواب بوجهي ..
المشكله ان مالي خوات يدورون لي مالي الا أمي .. وأمي كبيره بالسن الله يطول بعمرهاااااااااااا ماتعرف الا قليل


برايكم وش الحل ؟؟

وهل فعلاً هناك بنات بالدنيا يدون الستر ويبحثن عن الحب بالحلال بعيد عن الماده والمناصب ........... ؟؟