والله اني مااشوف الشاشة زين واعذروني على أسلوبي

مرة متضايقة ودي انتف شعري ودي أنفجر ودي أطلع ودي انحاش من بيت اهلي

وقسما بالله لولا خوفي على أمي وأبوي كان انحشششششششششششششششششت

انا ياجماعة امي هاليومين ضاغطة علي ومتحمللللة

واليوم زادت جرعتها السامة علي

امي عطوفة حبوبة كل صديقاتي يغبوطني عليها رائعة بمعنى الكلمة ترحمني ومدلعتني والله مهي منقصة علي شي جعل يومي قبل يومها

لكن إذا عصبت تسمعني كلام قسما بالله طعنة السكين اهون منها شسوي تكفوووون جننتني هبلت فيني

والله محد محطمني بهالدنيا غيرها والله.

رحنا السوق قبل أمس وجلست عالكراسي ورحت أتسوق ويوم خلصت رجعت لها لقيتها مع مجموعة حريم تسولف معهم

ومبسوطة معهم ويوم مشينا بنروح للسيارة قلت وش سولفتي مع الحريم قالت سوالف عادية رحت عدت لها نفس السؤال لأني كنت بشوف هي متضايقة لأني تأخرت عليها ولالا؟؟

قالت كنت اقولهم عندي بنت كبيرة ابي لها رجل عندكم؟؟ عندي بنت مهبلة فيني مانوم الليل من كثر مانا شايلة همها

آآآآآه ( أدري انها تكذب وبس تبي تقهرني عشان تسكتني )
ولانطقت بأي كلمة ومشيتها

رحنا امس لزواج وكل شوي تقارني بالبنات اللي يدلعون ويتررزون قومي سوي مثلهم ترززي عشان الحريم يشوفونك
<<<<<<<<< أكره هاللأسلوب أتنرفز قلت يماه ياتسكتين ولا ترى بغير مكاني

المهم قمت شوي للمنصة ونزلت الا امي تتبسم قلت اكيد انتبهت لوحدة تناظرني ويوم جلست عندها قالت هاذوليك البنات اللي معهم امهم ناظروك بعدين ناظروني .. بعد شوي صجتنييييييي قومي تحركي روحي للحمامات

انا عاااااااااندت قلت والله ماقووووووووووووووووووووووووووم حتى العشا ماني قايمة الرزق يجيبه الله

موقومتي وقعدتي اللي تجيبه

ويوم بغينا نطلع امي تعنت تمر من عندهم آآآآآآآآآآآآه اتطنز على الحريم اللي يسووون كذا وصارت امي مثلهم آه

راحو الحريم واحنا نطلع مسكو ام العروس وأشوفهم يأشرون علي أمي ماعد تسعها الدنيا من الفرحة

قلت يماه أسالك بالله كم مرة صار هالموقف؟!! وبنتك مقابلتك ماتغير شي قلت شسوي انت بنت فاشلة

على فكرة امي دايم تقولي اني فااااااااااااااااااشلة

كل ماتزوجت بنت وولدت قالت البنات يتزوجون ويحملون ويولودون وانتي على حالك آآه

وربي الكعبة ان امي هي لسبب اللي فيه انا الحين

يوم انا بالكلية امي كانت ترفض زواجي وتقنعني وانا كنت اقتنع بكلامها بسرعة والله كانت كلمة رجال وزواج عيب عندي

امي تهمها الدراسة لدرجة غير طبيعية الله أكبر وش فادتني هالدراسة هذاني أكرف في أهلية وراتبي راتب حبشية

والله يجونا ناااااااااس باهلبل وهي ترفض وصراحة وقتها ماكون ضايقة ولاشي ولايهمني الموضوع لأني أثق بأمي وبكلامها

وماأنساها تقدم لي واحد يسوى ويستاهل وأخته عاشرتني عشان تدرس اخلاقي وتفكيري بدون ماأأدري عنها

ويوم تقدمو لي ماكلمو بالتلفون ولاشي جو مباشرة البيت قالت امي عشانهم تجار شافو أنفسهم يحسبونا على طول بنوافق وكنت وقتها فرحانة مادري ليه كأني أبغى هالشخص مع اني ماعرفه ولاشفته بس أخته اللي اعرفها

قالت خليهم يعرفون اننا احنا شخصية ومانعطي بنتنا على طوللللللل
وبعد سنة شافت صورته بالجريده يهنونه بزواجه وطقتها حسوووووووفة
الرجال هذا عنده ولد وبنت الحين ماشاء الله

والحيييييييييييييييييييييييييييييييين تووووو سمعت كلام منها يهز البدن ماأقدر اقوله لو أقوله

بتضيع كرامتي وبضيع كرامة كل بنت تأخر زواجها ااااه كلام يحطم

والله لو مهي أمي كان سويت فيها شي. استغفر الله
قفلت الباب تو وجت قالت افتحيه وفتحته وسمعتني من هذاك الكلام وانا انظرها وابتسم وغصب علي سكرت الباب
أنا أدري اني جايبة لها الهم بس والله هي أساس الهم

الله يجزاكم الجنة ولايوريكم مكروه بالدنيا تحملوني وريحوني
الله يحنن قلب امي ويهديها ويفرح قلبها وقلب كل ام تأخرت بنتها عن الزواج

__________________
اللهم لك الحمد والشكر
"ولئن شكرتم لأزيدنكم"

فدييييييييييييييت أمج يا شوبارد .. والله إنها فنانه وحبوووبه
حبيتها بدون ما شوفها !!

شو اللي مزعلج يالغاليه ..
هذي أم تتعامل بعفويه مع هم بنتها ..فلا تعامليها بهمج .. عامليها بحبها لج وخوفها عليج


والله إنها روووووووووووووووووعه
مواقف تضحححححححححححححححك

__________________
أبا مريم ..

هنيئا لك ..خيرا قد ساقه إليك الكريم ..

هنيئا لك ..
قلوبا تنبض بالوفاء ..
وألسنة قد عانقت الدعاء ..
في صمتها ونطقها..في صبحها والمساء..
(أن رباه يا رب البرايا ..ارحم الكريم واجعله في أعلى عليين..
فوالله ..إن القلوب لتتفطر ألما على فراقه..)


رحمك الله أخي ..رحمك الله يا أبا مريم ..وطيب ثراك

حبيبتي الغاليه

لاتزعلي نفسك ولاتنقهري كل الأمهات كذا

حاولي تتفاهمي معاها

قولي لها ان المكتوب على الجبين لازم تشوفه العين

ياأمي ياحبيبتي ادعيلي بالزوج الصالح من قالك اني ماابغا اتزوج وافرحك ابغاك تحممي اطفالي وتحطيلهم بودره والبنات تخرمي اذنيهم والأولاد تطهريهم والله ياأمي ودي اليوم قبل بكره
ودي افرح وافرحك معايا بس يا أمي النصيب بيد الله مابيدنا غير الدعاء انا بأدعي ربي وانت ادعيلي بهذي الدعوات

وانت حفظيها كم دعاء مثل

(يارب ارزق بنتي الزوج الصالح الهين اللين الدين المرفوع ذكره بالسموات والأرض وارزقها منه الذريه الصالحه)

(يارب ارزق بنتي وبنات المسلمين الزوج الصالح جميل الخلق والخُلق)

(يارب لاتحرم كل ام من فرحتها بزواج بناتها بالأزواج الصالحين)

(يارب طول بعمري اشوف بنتي بين زوجها وأولادها وافرح فيهم وفرح كل الأمهات ببناتهم واولادهم)


وهكذا من الدعوات

وبعدين قولي لها ياأمي انا الحمد الله بأخرج معاك الزواجات والسهرات في بنات مايطلعون ولايحبون جلسات الحريم..............>>>>>>>>>(انا منهم)


وحاولي تهديها شوي وبعدين قولي لها ياأمي لما تقولين للناس بنتي كبيره ابغا ازوجها يقول عني بنت بايره وفيني شي




وانت حاولي تهدي نفسك كويس ماجبتلك خطابه احمدي ربك

عموما ياقلبي ربي يسعدك ويفرج همك وينولك مرادك ويريح بالك ويرزقك الزوج الصالح والذريه الصالحه وكل بنات المسلمين عاجلا غير آجل



اختك في الله

ياعزيزتي شوبارد هدي نفسك ...
حاسه والله بنارك واللي مايحس فيها الا اللي واطيها ...
بس الحمد لله ارتحت تصدقين .. على بالي بس امي اللي كذا طلع فيه امهات كثير مثلها ...
امي مافيها ولا بنت تمدحها قدامي بشكلها وكلامها وكل شي وبعدين تقول : هذي البنت مو انتي وع عليك ...
تصدقين والله حتى اهتمامي بنفسي وشعري ولبسي انعدم لأني حاسه انه مافيها شي راح يرضيها لأنها مقتنعه ان الكل اجمل مني بكل شي ...
حاولي ياشوبارد تفكرين بشي ثاني ينسيك ... تذكري الجنه والنار والحساب والجزاء يوم القيامه والقبر ...
والله صرت اذا تضايقت وفكرت في الأمور هذي يطير عقلي واستغرب من نفسي ليش افكر انا بالزواج ....

يعني حاولي تفكرين بمواضيع اكبر ... علشان يصير موضوعك الكبير صغير ....

والله اني حاسه ان الكلمات تخوني ياشوبارد وماني لاقيه كلمه اواسيك فيها او اواسي نفسي ...
لأن الأحساس غير اللكلام ...

هذا اللي كتبه الله ياشوبارد لازم نصبر ونقول الحمد لله ... حتى انا والله حالتي حاله ....

ان مع العسر يسرا ...

اسال الله ان يعجل بالفرج علينا ..

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

ايوه صحيح نسيت

ايش الكلام اللي قالته لك وحطمك ..

قوليه الله يخليك علشان ناخذ مناعه اذا سمعناه ونعود انفسنا على تقبله بصدر رحب

الله يخليييييييييك قوليييييييييه ملقوفه انا ابي اعرف ...

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

شوبااااااااااااااااااارد.......يا عمري انتي خاطري ابوسك قسم بالله.........من جد حبيتك..........انا بمجرد ما دخلت متوسط امي لوعت كبدي وافتكيت يوم تزوجت في ثاني كليه .....اجل انتي كيف؟؟؟؟؟ حاسه بمعاناتك واعلمي حبيبتي انك ما ينقصك شي.........يعني لا تصدقين انك فاشله او فيك عيب لا سمح الله بالعكس افهمي ان امك قصدها العكس وكلك مزايا............والله يعينك ما بترتاحين الا اذا تزوجتي........وفعلا لا تعرضين نفسك على الناس يسترخصونك ....اللي تبي تزوج ولدها بتدور بالمنقاش على البنات........دااااااااااااااااااايما ادعي اللهم اتني في الدنيا حسنه وفي الاخرة حسنه وقنا عذاب النار وانتي الربحانه...........اذا انتي في الشرقيه صدقيني بحضر زواجك ان شاااااااااااااااااااااااااء الله........

__________________
[/IMG]

أختي الفاضله عندي لك بعض النصائح :
* وسعي خاطرك مع أمك فمهما عملت فما زالت أمك فهي الطريق المختصر للجنه وأطلبي منها الدعاء وبعدين يقولون أن البر بالوالدين هي طاعتهم في المكاره وفي حال الغضب . ( أنا احيانا اسمع من اشياء غريبه وأقول ابشري ولا يهمك وانت آمري ) كله رغبة في البر وفي الطريق السهل للجنه .
* رزقك سيبحث عنك أكثر ما تبحثين عنه فلا تخافي وإذا طلبت منك أمك شئ قولي ( سمي من عيوني ) و وهل تصدقين أن وظيفتي جأت إلى بيتي علما أن جلست فترة طويلة ما فيه مكان الا وطرقته فلا حيلة في الرزق .

* عليك بالدعاء وقد جربت وقد استجابة الدعاء وهو يوم الجمعه واختاري بعد صلاة العصر من هذا اليوم وتوضئ وأغلقي عليك غرفتك وابدئي بالا ستغفار وقراءة القرآن وبعد ذلك الدعاء كل ما تتمنين وسيوفقك الله .
فوالله لقد جربت هذا الوقت وإستجاب الله دعائي .

أخيرا أسأل الله العلي العظيم أن يفرج لك همك ويرزقك الزوج الصالح والذرية الصالحة وتبشرينا بزواجك قريب جدا

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

بسمة رضا

هذي عفوية هذي؟؟ مايحس بالنار إلا واطيها والله.. أسعدني مرورك

روح الغاليأنا ماأقدر اقول لأمي هالكلام أبداااااااااااا
أولا أستحي ثانيا كبريائي مايسمح لي أقول كذا أبدااا
أنا ماأحسس أمي ابد برغبتي بالزواج.. وبعدين وش هالكلام اللي يقطع القلب
أبغاك تحممين اطفالي وبودرة وماادري اييييييش << يالله ياربي لاتحرمني هالنعمة << مرة تأثرت هنا وغمضت عيوني وقعدت اتخيل
شكلك فهمتيني غلط.. امي ماقالت للحريم هالكلام.. هي كذبت علي ومتقصدة عشان تسكتني بس!

خليييييييييييييني ساكته لاأنفجر الحين

__________________
اللهم لك الحمد والشكر
"ولئن شكرتم لأزيدنكم"

أسأل الله العلي العظيم أن يفرج لك همك ويرزقك الزوج الصالح والذرية الصالحة وتبشرينا بزواجك قريب جدا

أسأل الله العلي العظيم أن يفرج لك همك ويرزقك الزوج الصالح والذرية الصالحة وتبشرينا بزواجك قريب جدا

أسأل الله العلي العظيم أن يفرج لك همك ويرزقك الزوج الصالح والذرية الصالحة وتبشرينا بزواجك قريب جدا

أسأل الله العلي العظيم أن يفرج لك همك ويرزقك الزوج الصالح والذرية الصالحة وتبشرينا بزواجك قريب جدا

أسأل الله العلي العظيم أن يفرج لك همك ويرزقك الزوج الصالح والذرية الصالحة وتبشرينا بزواجك قريب جدا

أسأل الله العلي العظيم أن يفرج لك همك ويرزقك الزوج الصالح والذرية الصالحة وتبشرينا بزواجك قريب جدا

__________________

اللهم ياودود ياذا العرش المجيد يافعال لما يريد - أسالك بعزك الذي لا يرام وملكك الذي لا يضام ونورك ونور وجهك الذي ملأ أركان عرشك أن تغيثني وتصرف عني كل سوء -- ياحي ياقيوم

اختي ما قول الا تحملي
ترا اللي فينا مثل اللي فيك واكثر
لا تفكرين انك بروحك تعيشين هالمأسااااه صدقيني عشرات مثلج وانا وانتي وغيرنا نعاني بس الله يرزقنا ان شالله بالزوج اللي يستاهلنا

تحياتي
اختك

__________________