شرايكم بالعنوان؟!! يكسر الخاطر صح!! وماظن بنت تتوقع يصير لها هالشي!! أبشركم صار لي نفس الموقف << ياحظي

جت إحدى الموجهات للدوام.. بالصدفة مريت من عندها.. شوي وتناديني ونجلس على جنب

ايش تخصصك.. واسمك بالكامل.. من وين.. وش يرجع اصلكم... أخوانك وأخواتك مناسبين من...أخوالك وش يقال لهم

قلت بس!! اكيد اعجبتها وراح تخطبني

سبحانك ياربي ماأسرع أن تجلب لي الأمل ثم يتحول لسراب


وتجلب الأمل مرة أخرى.. اللهم اجعل هذا الموقف آخر أحزاني

أعجبني أسلوبها وطريقة تفكيرها الراقية وكنت وقتها فرحاااااااااااااااااانة جدا

قالت : كم لك متخرجة؟ ( على فكرة انا درست وعمري 5 سنوات والسن الطبيعي 6-7 فالجميع لما يحسب سنوات تخرجي يكبرني سنة سنتين)

لما رديت عليها قالت أهاااا <<< حسيت بنرة صوتها تغيرت
خفت اقول عمري كم وتتعجب؟؟

قالت عندك أخوات أصغر منك؟
قلت ايه
قالت كم عمرها
قلت 20
قالت تشبه لك؟.. <<<<<<<<هي قالت هالكلمة ولاماقالتها

فهمتها على طول اقشعر جلدي ونغزني قلبي

والله فجأة شفت الدنيا لونها أسود وهي لونها ذهبي < مدري دوخة مدري اغماءة لمدة ثانية والله مدري بس فعلا هذا اللي شفته

قلت لا تختلف عني تماما
قالت أنا ماحب اللف والدوران وانتي انسانة عاقلة وواعية وانا ادور لأخوي وصعبة نخطب له وحدة بعمره

<<<يوم قالت عمره انا اصغر منه بحول سنة ونص بس ماعلقت سكت

وانتي اعجبتيني واعجبني اسمكم واكيد اختك فيها منك ومايمنع نجي ننزوركم ونشوفها ولاصعبة تتزوج الصغيرة

قبل الكبيرة؟!! قلت اهلي واختي تهمهم الدراسة مرررة بس خليني اسأل الوالدة واختي وارد لك خبر

واخذت رقمي وواعدتني تكلمني المغرب من نفس اليوم

بلحظة بغيت اطير من الفرحة كنت اقرا نظرات الاعجاب بعيونها والله.. وكنت أتماسك لايبان الفرح بوجهي قدامها..

وبلحظة قلبي ينبض مثل العصفور الخايف من الخوف والربكة والله اني احس بنبضات قلبي واحس قلبي بيطلع من مكانه

آآآآآآه ماأقسى هاللحظات وماأقسى هالموقف لطفك يااااااارب

صرت أمشي بدون احساس كنت بمبنى وتفجأت اني عديت 4 مباني ووصلت لقسم التمهيدي الا ما قد دخلته من 5 شهور!!

واقول الله يالدنيا ياشوبارد صارو الناس يخطبون اختك منك

الله ياالدنيا ياشوبارد يعجبون فيك ويدرون عن عمرك وينقلبون عليك


رجعت البيت قلت لأمي حسيت ان امي ودها تقوم وتحضني وتبكييييي وقالت يابنتي لالالا مهي رايحة اختك لين تروحين لاتخافين <<< امي فاهمتني

قلت لاختي واختي بالها ماهو معي ابدااااااااااااا وتحاول تسكتني وتضحك علي (مع العلم ان اختي ماقد تقدم لها احد ابد )

طبعا في داخلي مبسوطة من ردة اختي بصراحة لكن مع ذلك قلت لها ترى الرجال يسوى ويستاهل مدحته أخته ولد

ناس وفيه دين وراتبه زين ترى الفرصة ماتجي الا مرة ورفضو!!


وجا المغرب ودقت الللي خاطبة اختي
ورديت عليها وشكرتني وانتهى الموضوع قلت ياشوبارد سوي خير يمكن يرجع لك ان شاءالله

قلت شيبغى أخوك من مواصفات يمكن اعرف بنات وأفيدك وقالت لي واتفقنا على ان يكون بينا اتصال وبعد فترة اعطيتها كم بنت

لاتقولون انتي حاقدة على اختك.. اختي اتمنى لها كل خير واحبها لكن ماابغاها تتزوج قبلي بصراحة ابداااا
لو تتزوج الظاهر بروح لمستشفى شهار


لو انا حاقدة كان رديت على الموجهة وقلت لالا تبي تكمل دراسة ولا جبت طاري خبر لأمي

لكني خفت من تأنيب الضمير وعطيت امي خبر واختي خبر ومدحت لها الرجال

لكن بداخلي طبعا لا ماابغاها تروح قبلي الحين ماسلمت من نظرات الناس شلون لو اختي تروح قبلي!!

صار عندي هم ثاني بعد خايفة اختي تروح قبلي والله

__________________
اللهم لك الحمد والشكر
"ولئن شكرتم لأزيدنكم"

عقب ما قريت هالرد قلت ياليتني ما قريت الموضوع

__________________

السلام عليكم ....

الاخت شوبارد انا لي اخت صار معها مثل ما حكيتي انا اختي حينها كانت صغيرة وتدرس لما كان اخر السنة سئلتها بنت وهي صديقتها قالت لها شو تعملي هل تكملين الاعدادي ام لا قالت لها اختي طبعا لن اكمل الاعدادي ......
قالت لها اكيد تتحجبين وتلمزيمين البيت صح ...قالت لها اختي اجل وهذا ما اسفعله ليش ؟؟
قالت لها .. بصراحة اعجبتني ولي اخ يريد ان يتزوج ...وبصراحة اعجبتيني وقلت لو تتزوجي اخي ؟؟؟:14:

قالت لها اختي بصراحة انا صغيرة وايضا لي اخوات اكبر مني ما اقدر اتزوج على اخواتي حتى يتزوجوا يعني فوقها اثنين وهي الصغيرة قالت لها البنت هادي ممكن اشوف اخواتك ....اذا ما كان فيه مانع
قالت لها اختي طبعا لكن نحن ما نعرف في المدينة احد وما لنا كلام مع الناس حتى اخذ الاذن من امي لما جاءت الى البيت اخبرت امي قالت لها طيب نشوف البنت ويعدين نتكلم في اليوم نفسه زارتنا البنت ورأت اختي الكبيرة واعجبت بها ايضا فذهبت واخبرت والدتها وايضا في اليوم التالي زارونا كلهم وبعدين طلبوا اختي الكبيرة بعد ما اعجبتهم وتعرفنا اكثر وتزوجت اختي الكبيرة وبعدها المتوسطة وبعدها الصغيرة والحمد لله مع العلم ان اخواتي كن قليل الخروج والتعارف مع الناس لكن النصيب وازواجهن ايضا ليس من العائلة ولا قريبين من العائلة
وامي لم تحب فكرة زواج الصغيرة على الكبيرة وبعدها الكبيرة .......وانا ارى ان تتزوج الكبيرة والتالية والتالية

والعلم لله

اختي شوبارد رزقك الله بالززوج الصالح في اقرب وقت يا رب
ورزقني الله زوجحة صالحة يا رب ..

اختي كان عمرها انذاك 14 سنة والكبيرة 18 سنة وتزوجوا كلهم في العمر نفسه الا واحدة 17 سنة

انا صارلي هالموقف بس تعرفين الفرق وقتها وشو انا كان عمري 21 واختي عمرها 14

جت الحرمه قالت انا ابغى الصغيره قالت امي بنتي مره صغيره قالت ايه الكبيره حلوه بس مره كبيره كيف ماتزوجت للحين!!!

طبعا احنى من العوائل الي البنات يتزوجون بسن 14 و 15 الي عدت العشرين ماتزوجت فرصها تنعدم وهذا الي صار لي وعدت العشرين كلها ولاحد خطبني ابد

اختي قالت لا انا ما اتزوج واختي موجوده

وتكرر الموقف قبل سنه وخطبو اختي المتزوجه والصغيره وانا لا

أختي الفاضله شوبارد
أسأل الله باسمائه الحسنى وصفاته العلى في هذا اليوم المبارك أن لا يتعدى هذا الصيف الا وانت متزوجه
اللهم آمين
اللهم آمين
اللهم آمين
هو موقف صعب ومحرج ولكن توكلي على الله وثقي به فالله لا يخلق احد ويتركه

أما خطبة اختك فعفوا اعتبره شئ عادي
أختي الصغرى خطبت قبل الكبرى ووافقنا والآن بعد كم سنه كل وحده ما شاء الله عندها كم طفل الكبرى والصغرى فالموضوع ارزاق .
وقريبة لي ( خطبة الصغرى قبل الكبرى ) والآن التي توفقت ورزقها الله باطفال هي الكبرى .

وعندي تعليق لقد ذكرت في موضوع سابق انك اتصلت على مشروع بن باز للزواج ورد عليك احدهم وطلب اسماء أخرى؟؟؟
اختي الفاضله اتمنى تتصلي مره ومرتين وتحاولي تكلمي رئيس القسم أو المدير حتى ياتيك الرد الشافي

الله يسعدك ونسمع عنك كل خير وانا والله شايل همك مثل أختي ( عندي اخت ما بعد تزوجت ) الله يرزقها ويرزقك
آمين

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

السلام عليكم ورحمة الله وبركاته

أسأل الله العلي القدير أن يوفقك ويرزقك بمن يسعدك ويعينك على طاعته ويستر عليكي عاجلا وان يعفكي بالحلال وعلى فكرة ترى انتي صغيره الى الان وبالتوفيق ,,,,,,,,,,,,

اخيك ابا مشعل

__________________

الله يرزقج انتي واخواتج واخواتي واخوات المسلمين

حتى الآن مازلت في منتصف العشرينات...وعلى الرغم من ذلك خائفة

ولكن نقول هذا الأمر بالذات رزق من الله لانستطيع عمل شئ حياله..- كله نصيب -

أما بالنسبة لشقيقتي فنعم الخوف ذاته الذي يعتريك يعتريني...

ولكن...أعود للقول...- إنما هي أرزاق -...

فسعادة شقيقتي في وقت زفافها ستعني قطعا سعادتي..

فليس النبض الذي نحمله بين جوانحنا سوى نبض واحد وضع في قلبين...

أسأل الله أن يرزقك و يرزق بنات المسلمين جميعا..

وفقك ربي